Иқтибос аз Кодекси ҳуқуқвайронкунии маъмурии Ҷумҳурии Тоҷикистон

 Моддаи 373. Риоя накардани қонунгузории Ҷумҳурии Тоҷикистон дар бораи воситаҳои ахбори омма

3. Барои нашр ва паҳн кардани матбуоти даврии чопӣ, китоб ва маҳсулоти дигари чопӣ, ки дар онҳо муқаррароти қонунгузорӣ ва дигар санадҳои меъёрии Ҷумҳурии Тоҷикистон (аз ҷумла стандарти китоб, ББК, ШБСК (ISBN), маълумоти нашр, рамзи нашриёт, аломати ҳифзи ҳуқуқи муаллиф ва ғайра) риоя нашудааст,-

ба шахсони мансабдор ба андозаи аз чил то панҷоҳ ва ба шахсони ҳуқуқӣ аз сад то яксаду чил нишондиҳанда барои ҳисобҳо бо мусодираи ашёи ҳуқуқвайронкунии маъмурӣ ҷарима таъйин карда мешавад.

 Моддаи 509. Риоя накардани тартиби муқарраргардидаи ройгон фиристодани нусхаҳон назоратии маҳсулоти чопӣ

1. Барои риоя накардани тартиби муқарраргардидаи ройгон фиристодани нусхаҳои назоратии маҳсулоти чопй аз ҷониби корхонаҳои полиграфӣ, ки чунин маводро нашр мекунанд, -

ба шахсони мансабдор ба андозаи аз даҳ то бист нишондиҳанда барои ҳисобҳо ҷарима таъйин карда мешавад.

2. Барои дар давоми як соли баъди таъйини ҷазои маъмурӣ такроран содир намудани кирдори дар қисми якуми ҳамин модда пешбинишуда, - ба андозаи аз сӣ то чил нишондиҳанда барои ҳисобҳо ҷарима таъйин карда мешавад.

 Моддаи 520. Риоя накардани тартиби расонидани нусхаи ҳатмӣ

Барои аз тарафи истеҳсолкунанда дер ё нопурра расонидани ҳуҷҷатҳои нусхаи ҳатмӣ ба мақомоти дахлдори давлатӣ ва ташкилотҳо, - ба шахсони мансабдор ба андозаи аз панҷ то даҳ нишондиҳанда барои ҳисобҳо ҷарима таъйин карда мешавад.

Мавқеи ISBN дар осори чопӣ.

  Дар маҳсулоти китобӣ ва осори нашрӣ бо хати Брайл ISBN дар пушти варқаи унвонӣ аз поён, дар тарафи чап, бо ҳуруфи андозаи 9-10, ба чашм хоно аз рӯйи ГОСТ-и  7.0.4–2006 «Нашр. Маълумоти барориш. Талаботи умумӣ ва қоидаи таҳия» оварда мешавад. Агар пушти варақаи унвонӣ набошад ва ё имкони ҷой додани аломати барориш дар пушти варақаи унвонӣ вуҷуд надорад, дар ин сурат ISBN дар саҳифаи дуюм (сеюм, чорум)-и муқова ва ё дар варақаи охир, ки аломати барориш дарҷ карда мешавад, ишора мегардад. Дарҷи ISBN бояд на камтар аз 9 банди шрифти кегел, равшан ва осонхон бошад. Дар китобҳои аудиоӣ ва видеоӣ ISBN дар қуттии мавод дарҷ  мегардад. Дар мусаввараҳои шакли маҷаллавӣ, тақвимҳои варақгардон ISBN дар саҳифаи чоруми муқова нишон дода мешавад. Дар осори нашрии харитавии варақӣ ISBN дар қисмати поёнии варақ ва ё пушти варақ оварда мешавад. Дар осри нашрии харитавии дар шакли китоб нашршуда ISBN аз тарафи чап, дар қисмати поёнии пушти варақаи унвонӣ дарҷ мегардад. Дар осори нашрии микрошакл ISBN дар бастабандии аввал ва пушти варақаи унвонӣ мутобиқи маҳсулоти чопшуда оварда мешавад.

 Маълумот: ISBN дар пушти варқаи унвонӣ, аз поён, аз тарафи чап бо ранги сиёҳ (бо шрифти андозаи 9 ё 10) гузошта мешавад. Дастур дода мешавад, ки он дар якҷоягӣ бо «штрих-код» дар муқова, дар поён ва аз тарафи рост дарҷ гардад.

Мисолҳои корбурди   ISBN

Осори нашрие, ки ба онҳо ISBN дода мешавад

 Тамоми намуди осори нашрӣ, ки дар зер оварда мешаванд, сарфи назар аз мавзӯъ ва усули паҳнкунӣ (ба фурӯш бароварда мешаванд ва ё ба таври ройгон тақсим карда мешаванд), бояд ISBN гиранд:

  Маҳсулоти чопӣ:

- тамоми намуди китобу ҷузва:

- солномаҳои санаддор;

- мусаввараҳо дар шакли китоб ва ё маҷалла, ки ба ҷуз тасвир боз матн доранд, аз ҷумла тақвимҳои дар шакли китоб ва ё маҷалла чопшаванда, тақвимҳои варақгардон, ки матн доранд;

- атласҳо:

- чопи китобҳо бо хати Брайл (барои нобиноён);

- китобҳои микрошакл:

-дафтарҳое, ки матни таълимӣ доранд.

Маҳсулоти чопии электронӣ:

- маҳсулоти чопии электронии маҳдуд ва шабакавӣ, аз ҷумла тавассути Интернет;

- нашри маҳсулоти чопӣ дар шакли электронӣ;

- маводи баномавии таълимӣ, истеҳсолӣ-таҷрибавӣ;

- нашри электронии мултмедийӣ;

Осори нашрии омехта ва ҳамбаста:

– осори нашрии омехтаи кулл, ки аз осори нашрии алоҳидаи васоити мухталифи   паҳнкунандаи мавод  иборат аст;

– маҷмӯъи осори нашрӣ, ки дорои матн аст;