Зафари Шариф 21-уми июли соли 1992 дар Ҷумҳурии Тоҷикистон, дар оилаи коргар ба дунё омадааст. Соли 2010 муассисаи таҳсилоти миёнаи умумии №25-и ноҳияи Панҷро хатм намуда, ба шуъбаи рӯзонаи факултети китобдорӣ ва иттилоотшиносӣ ихтисоси китобхонашиносӣ ва китобшиносии Донишкадаи давлатии фарҳанг ва санъати Тоҷикистон ба номи Мирзо Турсунзода дохил шудааст. Соли 2015 факултети мазкурро хатм намуда, ҳамчун мудири шуъбаи кор бо ҷавонони донишкадаи мазкур фаъолияти меҳнатиашро оғоз намудааст. Дар вазифаҳои омӯзгор, омӯзгори калон, муовини декан, мудири китобхонаи илмӣ, солҳои 2018-2020 мудири кафедраи китобхонашиносӣ ва библиографишиносӣ, солҳои 2020-2025 декани факултети китобдорӣ ва иттилоотшиносии Донишкадаи давлатии фарҳанг ва санъати Тоҷикистон ба номи Мирзо Турсунзода фаъолият намудааст. Аз 24.11.2025 ҳайси директори Муассисаи давлатии “Агентии миллии Созмони байналмилалии рақамгузории стандарти китоб – Хонаи китоби Тоҷикистон”-и Вазорати фарҳанги Ҷумҳурии Тоҷикистон фаъолият дорад. Солҳои 2013, 2015 дар Озмуни ҷумҳуриявӣ миёни донишҷӯёни муассисаҳои таҳсилоти олии касбии Ҷумҳурии Тоҷикистон иштирок карда, ду маротиба сазовори ҷойи ифтихорӣ гардидааст. Соли 2024 дар озмуни ҷумҳуриявии «Китобдор, китобхона ва китобхонаи шахсии сол» соҳиби “Шоҳҷоиза” ва дар озмуни ҷумҳуриявии байни муассисаҳои таҳсилоти олии касбии соҳаи фарҳангу санъати кишвар «Муаллими сол - 2024» сазовори ҷойи якум гардидааст.
Бо нишони «Аълочии фарҳанги Ҷумҳурии Тоҷикистон» (2019) ва «Аълочии матбуоти Ҷумҳурии Тоҷикистон» (2024) сарфароз гардидааст.
Моҳи майи соли 2025 дар мавзуи «Таъмини инноватсионӣ-методии китобхона – омили рушди фаъолияти он (дар мисоли китобхонаҳои давлатию оммавии Тоҷикистон)» рисолаи илмии худро дифоъ намуда, аз ҷониби Комиссияи олии аттестатсиони назди Президенти Ҷумҳурии Тоҷикистон дараҷаи илмии доктори фалсафа (PhD), доктор аз рӯйи ихтисоси 6D091000–Кори китобдорӣ (6D091001 – Китобхонашиносӣ, библиографияшиносӣ ва китобшиносӣ) комёб шудааст. Моҳи августи соли 2026 аз ҷониби Президенти Ҷумҳурии Тоҷикистон ба Ҷоизаи ба номи Исмоили Сомонӣ барои олимони ҷавон сарфароз шудааст.
Аъзои фаъоли Ҳизби Халқии Демократии Тоҷикистон мебошад.
